Saturday, 29 November 2014

Ishyaka ISHEMA rirasubiza uwiyita Gen Major Byiringiro Victor

Banyarwanda, ikinyoma cya Byiringiro ntikibafate kandi twirinde kugwa mu mutego w’umwanzi.

  1. Nyuma yo gusoma  Itangazo ryasohotse mu Kinyamakuru Ikazeiwacu taliki ya 26/11/2014, bigaragara ko ryaba ryarashyizweho Umukono n’Uwitwa cyangwa uwiyita General Major Byiringiro Victor ; Itangazo ryisweItangazo rya FDLR rikangurira impunzi nAbanyarwanda bose kwirinda ubucabiranya bwa bamwe mu banyamashyaka yo hanze arwanya ubutegetsi bwa Kigali bari kwifashisha mu kubacamo ibice no kubarangaza babaka imisanzu”;
  2. Nyuma yo gusanga ibitekerezo birikubiyemo ari bigufi cyane kandi birimo amakosa akomeye y’imitekerereze ku buryo bitakwitirirwa “organisation” irimo abantu bashyira mu gaciro;
  3. Tumaze kubona ko ibikubiye muri iri tangazo ari ibitekerezo n’ibyifuzo bwite by’uwiyita General Major Byiringiro Victor  kandi bikaba bigaragarira bose ko ntaho bitaniye n’urugamba FPR-Inkotanyi ihora ishoza ku mashyaka ya politiki ya opozisiyo igamije kuyasenya ;
Turatangariza Abanyarwanda ibi bikurikira:
  1. Ishyaka Ishema ry’u Rwanda ni umutwe wa politiki wigenga . Abayobozi baryo bakorera mu bwisanzure kandi nta muntu ku giti cye cyangwa undi mutwe wa politiki ubabwiriza icyo bagomba gukora.  Bafite uburenganzira busesuye bwo kuganira n’Abanyarwanda aho bari hose, haba mu Rwanda imbere  cyangwa mu mahanga. Gahunda yo kuzana impinduka nziza mu Rwanda binyuze mu nzira y’amahoro kandi buri Munyarwanda abifitemo uruhare, si igisebo ahubwo iteye Abataripfana bose ishema.
  2. Nk’umutwe wa politiki witeguye kuba wayobora igihugu abaturage nibawugirira icyizere, nta kibazo na kimwe kireba ubuzima bw’Abanyarwanda Ishyaka Ishema ridashobora kwigaho ngo rigifateho n’ingamba. By’umwihariko, duhangayikishijwe bikomeye n’ ikibazo cy’impunzi z’Abanyarwanda bari mu mashyamba  ya  Kongo  bakomanyirijwe n’Umuryango mpuzamahanga ku buryo bashobora kongera kuraswa mu minsi iri imbere. Tuributsa kandi ko abo benegihugu basaga ibihumbi 250 nta muntu ku giti cye cyangwa organisation ishobora kubafataho ingwate ngo bongere bicwe twese turebera  gusa. Niyo mpamvu icyo twashobora gukora cyose  kugirango kiriya cyemezo gitindi cyo kurasa Abanyarwanda gikurweho, nta wakitubuza kabone n’iyo yaba Jenerali Majoro Byiringiro Victor.
3.Twamaganye iterabwoba ry’abantu nka Byiringiro Victor  bishuka ko “Impunzi z’abanyarwanda aho ziri hose ku isi “ ari akarima kabo, bashobora gushuka uko bishakiye, ngo “ibintu byifashe neza” kandi amaraso y’Abanyarwanda batagira ingano yenda kongera kumeneka.  Iyi politiki ya humirizankuyobore nk’iya FPR, ntikijyanye n’igihe.
  1. Twamaganye ikinyoma cya Byiringiro Victor cyo kubeshya Abanyarwanda ko icyemezo cyo kurasa impunzi zo muri Kongo kidashobora kugira ingaruka mbi ku buzima bw’abanyarwanda bakiri muri ayo mashyamba.
  2. Nyamara ako karengane ko kurasa impunzi kemejwe n’umuryango w’abibumbye mu myanzuro myinshi itandukanye kandi igenda yibutsa ko mu gihe abarwanyi babana n’izo mpunzi batibwirije ngo bashyire intwaro hasi  bitarenze tariki ya 2 Mutarama 2015,bazaraswa . Buri wese ubishaka ashobora kwisomera itangazo ryo ku itariki ya 5 Ugushyingo 2014 ry’akanama k’umuryango w’abibumbye gashinzwe umutekano ku isi rivuga ku cyemezo cyo kurasa izo mpunzi.http://australia-unsc.gov.au/2014/11/security-council-presidential-statement-the-democratic-republic-of-the-congo/.
  3. Kugira ngo icyo cyemezo kibabaje gikurweho hagomba gukomeza ibikorwa bikomeye bya “diplomatie” kandi na Byiringiro Victor akabigiramo uruhare.
  4. Ntabwo amashyaka yivugira koataragira umurongo ugaragara yakwerekaAbanyarwanda ashobora kudindiza gahunda z’Ishyaka Ishema, kurihagarika cyangwa kurifataho ingwate.
  5. Ishyaka Ishema ntiryemera politiki ishingiye kugucamo Abanyarwanda ibice hashingiwe ku buryo ubwo aribwo bwose haba kiga-nduga cyangwa se hutu-tutsi byakunze kuranga bamwe mu banyapolitiki bo mu Rwanda ari nabyo byakomeje gutiza umurindi politiki-mpotozi ya FPR Inkotanyi. Abanyapolitiki bacyubakira kuri bene ayo macakubiri  ntibakijyanye n’igihe tugezemo. Niyo mpamvu Ishyaka Ishema ryemera byimazeyo ko hakenewe“Une nouvelle génération”y’abanyapolitiki bataboshywe n’amateka y‘u Rwanda kubera uruhare baba baragize mu gusenya igihugu.
Umwanzuro
Ubuyobozi bw’Ishyaka Ishema burasanga iki gihe atari icyo guterana amagambo, kubiba urwikekwe cyangwa kwitana ba mwana nk’uko Byiringiro Victor ashaka kubidushoramo. Iki ni igihe cy’uko Abanayapolitiki ba Opozisiyo, cyane cyane abashobora gutarabuka bakaganira n’inzego mpuzamahanga zifata ibyemezo,  bafatanya mu gikorwa cyo kurengera Abanyarwanda benda kongera kwicirwa muri Kongo.
Ishyaka Ishema rizakomeza gufatanya n’abandi mu gushaka icyarengera Abanyarwanda bugarijwe.

Bikorewe i Paris, taliki ya 28/11/2014
Komite nyobozi y’Ishyaka Ishema,
  1. Padiri Thomas Nahimana, Umunyamabanga mukuru.(sé)
  2. Gahunde Chaste, Umunyamabanga nshingwabikorwa. (sé)
  3. Deogratias Basesayabo, Umunyamabanga wungirije ushinzwe Umutungo. (sé)
  4. Nadine Claire Kasinge,Umunyamabanga wungirije ushinzwe umubano n’andi mashyaka. (sé)
  5. Ernest Nsenga, Umunyamabanga mukuru wungirije ushinzwe logistique. (sé)
  6. Pierre Alexandre Muzungu, Umunyamabanga wungirije ushinzwe Ubumwe n’Ubwiyunge. (sé)
  7. Vénant Nkurunziza, Umunyamabanga wungirije ushinzwe amategeko no gukemura amakimbirane. (sé)
  8. Kabanda Jean Baptiste, Umunyamabanga wungirije ushinzwe Abanyarwanda baba hanze y’u Rwanda. (sé)
  9. Virginie Nakure, Umunyamabanga wungirije ushinzwe iterambere ry’abari n’abategarugori. (sé)
  10. Landouald Ntibayitegeka,Umunyamabanga mukuru wungirije ushinzwe umutekano. (sé)
  11. Valens ManiragenaUmunyamabanga wungirije ushinzwe iteganyabikorwa n’Imishinga y’amajyambere. (sé)
  12. Jeanne Mukamurenzi,Umunyamabanga wungirije ushinzwe urubyiruko. (sé)
  13. Joseph Nahayo,Umunyamabanga wungirije ushinzwe amashuri n’uburezi. (sé)
  14. Sixbert Bitangisha;Komiseri ushinzwe ibihugu bya Scandinavia. (sé)
Komeza Usome ...

Perezida Pierre Nkurunziza yanyujije umukubuzo mu bayobozi bakuru!

Burundi : Perezida Pierre Nkurunziza yanyujije umukubuzo  mu bayobozi bakuru!

Perezida Nkurunziza yashyize kuruhande abahoze ari inkoramutima ze! Perezida yasezereye umuyobozi mukuru ushinzwe ibiro bye wafatwaga nk’aho ariwe wari umwungirije mu buyobozi bw’igihugu kimwe n’uko Général Adolphe Nshimirimana wafatwaga nk’umuyobozi wa 3 ukomeye mu gihugu nawe wegejwe k’uruhande ; akaba yasimbuwe ku mwanya wo kuba umukuru w’ibiro by’iperereza mu gihugu yasimbuwe na Général Major Godefroid Niyombare ufatwa nkaho acisha make. Si abo gusa begejwe ku ruhande kuko havugwa n’abandi bayobozi bakuru basezerewe barimo abakozi babiri bakuru bo mu biro by’umukuru w’igihugu nabo bafatwaga nka ba Somambike ba Perezida ! Abantu benshi basanga uku guhindura abayobozi bakuru kandi bakomeye mu nzego z’umutekano ari ikimenyetso cy’uko Nkurunziza yiteguye kujya mu mitsi mu matora y’umwaka w’2015 yiteguye neza kugira ngo yiyegereze abantu bashobora kumurwanirira mu buryo bwose igihe bibaye ngombwa !
 
Perezida Pierre Nkurunziza yanyujije umukubuzo mu bayobozi bakuru!Iri sezererwa ry’abayobozi bakomeye mu Burundi ryabaye nk’inkuba ikubise kuko abantu benshi bakangaranye bakimara kumva iyo nkuru ; kuko isezererwa ry’aba bayobozi bakuru ryakozwe mu ibanga rikomeye kuburyo nta muntu n’umwe warabutswe ! Icyatangaje abantu cyane ni uko umu Général witwa Adolphe Nshimirimana (ku ifoto) wafatwaga nk’akamana mu Burundi bwose kubera umwanya yari afite, nawe yasezerewe ku mirimo ye ! Gen.Adolphe Nshimirimana niwe wari umugaba mukuru w’ingabo za CNDD-FDD igihe iryo shyaka ryari rikiri mu ishyamba, nyuma y’aho iryo shyaka rifatiye ubutegetsi ; Gén. Nshimirimana niwe wari ufite munshingano ze ibibazo byose birebana n’umutekano mu gihugu ; akaba yicaga agakiza ! Perezida Nkurunziza yamuhaye umwanya wo gutunganya imirimo imwe nimwe mu biro bya perezida ijyanye no gutunganya ingendo z’akazi.
 
Abandi basilikare bakuru bakuwe ku myanya yabo bigatungurana, twavuga nk’umuyobozi w’igipolisi cy’u Burundi Alain Guillaume Bunyoni wasimbuwe na Anatole Manirakiza, undi wakuweho ni uwari ushinzwe ibibazo by’ingabo mu biro bya perezida. Ikurwaho ry’aba bayobozi rije mu gihe hari hamaze iminsi hari ibibazo mu bayobozi bakuru b’ingabo z’u Burundi kandi mubyukuri bigaragara ko ingabo arizo zigenzura ubutegetsi bwose mu Burundi. Abakurikirana politiki y’u Burundi basanga iri yirukanwa ritazahagararira aha, rishobora kuzagera no kubandi bayobozi kugira ngo Nkurunziza agaragaze ko ariwe mukuru w’igihugu ufite ijambo rya nyuma kandi ko agenzura byose mu gihugu ayobora. Aba bayobozi bakuru batangarijwe ko basezerewe Perezida Nkurunziza ari mu gihugu cya Sénégal mu nama y’umuryango w’ibihugu bivuga ururimi rw’igifaransa.
 
Twizere ko aba bakuwe ku myanya ikomeye mu Burundi batazajya mu mitwe irwanya Nkurunziza nkuko byakunze kuba umuco mu bihugu byinshi by’Afurika kandi ijambo ry’umukuru w’igihugu rikubahirizwa n’uwo ariwe wese n’ubwo perezida y’aba ari umusivili !
 
Veritas Info
Komeza Usome ...

Imyanzuro y’inama yo kuwa 26 ugushyingo 2014 y’Impuzamashyaka CPC.

Politiki :Imyanzuro y’inama yo kuwa 26 ugushyingo 2014 y’Impuzamashyaka CPC.

Kuwa gatatu tariki ya 26 Ugushyingo 2014, inama idasanzwe y’Impuzamashyaka CPC yarateranye, isuzuma uko CPC ihagaze muri ibi bihe, n’aho gahunda y’ibikorwa byayo bya politike bigeze, cyane cyane ibijyanye no gushakira umuti ikibazo cy’impunzi z’Abanyarwanda, aho ziri hose kw’isi.
 
A.Ku byerekeranye n’ububanyi n’amahanga
 
Abari mu nama bagejejweho raporo z’ubutumwa bwa CPC bamwe mu bayobozi bakubutsemo mu miryango mpuzamahanga no mu bihugu binyuranye. Intumwa za CPC aho zageze hose, zagiye zakirwa neza kandi zigirana n’abazitumiye ibiganiro by’ingirakamaro, ku byerekeye gahunda ya politike (plan politique/political plan) impuzamashyaka CPC yateguye, hagamijwe kugeza u Rwanda ku mpinduka izimakaza demokrasi n’amahoro arambye.
 
B.Gushyira hamwe kw’amashyaka
 
Abari mu nama bunguranye ibitekerezo kuri iyo ngingo, basanga Abanyarwanda benshi bakomeje gusaba amashyaka ya politike abarizwa hanze y’igihugu, gukora uko ashoboye agahuriza hamwe ingufu zayo, kugira ngo urugamba rwa politiki rwo gusezerera ingoma y’igitugu ya FPR-Kagame rushobore gutera intambwe zigaragara. Niyo mpamvu CPC ikomeje kwemeza ko gushyira hamwe kw’abatavuga rumwe n’ubutegetsi bw’agatsiko buri mu Rwanda, ari yo nzira yonyine n’intwaro ikomeye byatuma ubwo butegetsi ruvumwa buvaho mu buryo bwihuse.
 
C.Ikibazo cy’impunzi z’Abanyarwanda
 
Inama yongeye gushimangira ko ikibazo cy’impunzi ziri muri Repubulika Iharanira Demokarasi ya Congo, kidashobora kurangizwa n’ishyaka rimwe. Akaba ari yo mpamvu CPC ifatanyije n’indi mitwe ya politiki, ndetse n’amashyirahamwe ya société civile (civil society), yiyemeje gukaza umurego mu kurengera izo mpunzi zo muri Congo n’izo mu bindi bihugu, no kuzibera umuvugizi mu miryango mpuzamahanga no mu bihugu byitaye kuri icyo kibazo.
 
D.Kurushaho kubaka CPC
 
Inama yashimangiye ko amashyaka agize CPC agomba kurushaho gukorera hamwe mu bwubahane, akirinda kugwa mu mutego w’umwanzi uhora arekereje, agambiriye kuyacamo icyuho kigamije kuyasenya. Bigomba kandi kumvikana ko inyungu z’igihugu ziri hejuru y’inyungu z’abantu ku giti cyabo, bityo hakaba nta mpamvu n’imwe izabuza CPC gukomeza inshingano zayo.
 
Inama yashimye kandi igitekerezo cyo gukomeza kwegera andi mashyaka atarinjira muri CPC, kugira ngo ashishikarizwe igikorwa cyiza cyo gukorera hamwe nk’uko byifujwe mu nama zo mu kwezi kwa Gashyantare na Werurwe 2014. Hemejwe kandi ko n’andi mashyaka ataratumiwe muri izo nama zibarutse CPC, adahejwe mu gihe yaba agaragaje ubushake bwo kwinjira mu mpuzamashyaka.
 
Inama yarangije imirimo yayo yemeje ko mu nama y’ubutaha, hazashyirwaho ubuyobozi bushya bwa CPC, bukurikije amategeko yemejwe n’inama yo kuwa 5 Ukwakira 2014.
 
Bikorewe i Buruseli, tariki ya 27 Ugushyingo 2014.
 
Imyanzuro y’inama yo kuwa 26 ugushyingo 2014 y’Impuzamashyaka CPC.
Perezida wa CPC
Faustin Twagiramungu
 
Komeza Usome ...

Ni kuki MDR PARMEHUTU na MRND bitakibaho, FPR/UNAR ikaba iganje?

Bica Rwasibo Gasigwa Bagaragaza Sindikubwabo Nshogoza

Iriya ngengabitekerezo ya jenoside, biragaragarako abari batsimbaraye ku butegetsi bwa cyami bashobora kuba barayitangije muri kiriya gihe, none ikaba imaze imyaka irenga 50, bayigenderaho. Icyo ngirango nibandeho aha ni akamaro k’ingengabitekerezo, iyariyo yose – ishobora kuba nziza cyangwa mbi – mu gutuma abayigenderaho baramba ku butegetsi mu miyoborere yabo. Ikindi ni ukugirango abantu batangire gutekereza ku ngengabitekerezo [birumvikana zifasha abanyarwanda] n’ukuntu zashinga imizi idakuka mu gihe ari nziza.
Ni iyihe ngengabitekerezo nyamukuru dushobora kuvugako yaranze ingoma z’Abahutu za Gregori Kayibanda na Juvenali Habyarimana. Tubanze twibaze kucyo abantu ubundi bita ingengabitekerezo. Dushyire ariko iruhande icyo ubutegetsi bwa FPR/UNAR bukunze kwita ingengabitekerezo ya jenoside mu gihe buba bushaka gutoteza uwariwe wese utavuga rumwe nayo, bugirango bumukorereho iterabwoba, bumucecekeshe, rimwe na rimwe bukaba bwanamwica.
Dore uko abahanga  Manfred Steger and Paul James basobanura ingengabitekerezo. Bagira bati ni:
Ibintu n’ibitekerezo, biba bihuriweho na benshi bihora bigaruka binakoreshwa, birimo cyane cyane uburyo imitegekere hagati y’abantu n’abandi iba iteye. Ubu buryo bw’imitekerereze bugafasha abantu kubana mu buryo bwihariye n’abandi mu rwego rwa politiki, bukanahinduka ukuri kwa bose mur’iyo mibanire.[1]
Ni iyihe ngengabitekerezo MDR PARMEHUTU na MRND bishobora kuba byari bifite
Birazwi kandi byemezwa na benshi ko ubutegetsi bwagiyeho nyuma y’ihirikwa ry’ingoma ya cyami muri za 59 bwabaye ubw’Abahutu.
Ibitekerezo by’ingenzi byagendeweho kugirango ingoma ya cyami ihirikwe ni ibingibi:
  • kuvanaho ubutegetsi bw’Abatutsi budatorwa bw’ubuvukano cyami yari yarimitse
  • kuvanaho ubuhake Abahutu muri rusange bari barimo babumazemo ibenyajana birenga bitanu
  • kuvanaho ubwikanyize bwa cyami bwari bufite ububasha nkubw’Imana mu gihugu, ibiriho byose ari ubwabyo [abantu n’ibintu], bwica bugakiza uwo bushaka nta nkomyi
  • kuvanaho akarengane karengeje urugero Abahutu muri rusange babagamo, ndetse n’imiryango imwe n’imwe y’Abatutsi
Birumvikanako mu gihe ibi byari bigamijwe, iyo bigerwaho aho kwimakaza ibijya gusa n’ibyamaganagwa kiriya gihe, wenda indi ngengabitekerezo yari gushinga imizi.
Reka tuvugeko muri rusange biriya byari bigamije bishobora kuba byaragezweho mu rugero rushimishije. Ikibazo umuntu yakwibaza ni ukuntu byaba byarashimangiwe mu mitegekere no mu mitekerereze ya politiki.
Aho n’ubwo Abahutu bari bararenganye iriya myaka amagana n’amagana, ntibaba baravuye ku ngoyi, bakibagirwa vuba ubuzima ibisekuru byabo byabayemo, nuko ntihagire ingamba zifatwa kugirango bo n’urubyaro rwabo batazasubira mu bihe bisa na byo?
Paul Kagame yigeze kuvugako hari abantu batagira amateka. Icyo gihe yavugiraga kuri Victoire Ingabire. Ubwo yaratangiye kumujujubya mbere yo kumufunga muri 2010.
Amateka ashobora kuba mabi cyangwa meza. Iyo umuntu atagira amateka biba bivugako ntaho agira ava. Aho Abahutu koko ntibaba batagira amateka koko!!! Mu yandi magambo aho ntibaba batita bihagije ku mateka yabo uko yaba ameze kose.
Birazwiko iyo igiti kidafite imizi ikomeze kidashobora gukura neza. Amateka rero yagombye kuba iyo mizi yangombwa ku Bahutu kugirango bagire icyaricyo cyose bageraho. Birumvikanako abashakako batagira icyo bageraho bo baharanirako ayo mateka y’Abahutu asibangana.
Ariya mateka y’ubucakara babayemo ku ngoma ya cyami, iyo atekerezwaho bihagije, ingamba zigashyirwa mu bikorwa kugirango ibihe bibi abasekuru babo babayemo, birashoboka ko inyandiko nk’iyi itari kuba ari ngombwa.
Abatekereje bihagije ku kuntu bari baracakaraje Abahutu, ubu nibo baganje mu Rwanda.
Ingengabitekerezo ya FPR/UNAR
Uwavugako ingengabitekerezo FPR/UNAR igenderaho iyo igena ingamba z’imitegekere yayo zaba ari izikurikira, ntiyaba yibeshye cyane:
  • gusiba icyaricyo cyose cyaba gishobora kuranga amateka yihariye y’Abahutu
  • kumvisha abahutu ko nta moko aba mu Rwanda
  • gukora ibishoboka byose [cyane cyane hakoreshwa ikinyoma] kugirango Abahutu bumveko babereyeho gukorera inyungu z’ubutegetsi bwayo
  • kwereka Abahutu ko mu Rwanda nta jambo bahafite, kandi ibiri mu gihugu byose [abantu n’ibintu] ari ibya FPR/UNAR nkuko byahoze ku ngoma ya cyami
  • kumvisha Abatutsi aho bari hose, ko bagomba guharanira ubwoko kandi bagakora ibishoboka byose ngo ingoma ya FPR/UNAR ihoreho
  • gutera ubwoba Abahutu hakoreshejwe ibishoboka byose kugira ngo batinye guharanira uburenganzira bwabo mu Rwanda
Uwasanga hari aho nibeshye yazakonsora, iki kikaba ari na kimwe iyi nyandiko igamije: kungurana ibitekerezo.
Uretse bike muri iriya ngengabitekerezo ya FPR/UNAR, ibigamijwe nayo kur’iki gihe, bisa neza neza n’ibyari bigamijwe ku ngoma ya cyami. Arinacyo gituma hari benshi bavugako ingoma ya FPR/UNAR itandukanye n’iya cyami gusa kw’izina. Naho imikorere n’ibitekerezo byo bihuriye henshi.
Natangiye nibaza impamvu MDR Parmehutu na MRND bitakibaho, naho FPR/UNAR yo ikaba iganje. Igisubizo cyanjye, birumvikana gishobora kuba gitandukanye n’icyabandi, nuko aya mashyaka yayoboye u Rwanda mu gihe Abahutu bategekaga, yashimishijwe kandi yibanda kukuvanaho ubutegetsi bwa cyami, ariko ntiyatekereza bihagije k’ubutegetsi bwagombaga kubusimbura, ndetse n’ukuntu bwaramba mu gihe bumaze kunonosorwa. Iyi mikorere idahwitse ikaba irikuranga amashyaka menshi niba atari yose ariguhatanira gusimbura ubutegetsi bwa Kigali.
FPR/UNAR iganje mu Rwanda kuva muri 94 kubera ibintu bibiri by’ingenzi. Umugani wa Kagame yo ifite amateka. Yamaze imyaka amagana n’amagana yarahinduye Abahutu abacakara. Ivanywe ku ngoma n’ibihe isi yarigezemo muri za 60, ifata igihe, irisuganya, igarukana inkundura n’ubukaka budasanzwe: itema byose, abantu, insina, imyaka, amazu, n’ibindi kugirango isubirane ubutegetsi yahoranye.
Cyakora nkuko muri za 60 ibihe aho byari bigeze muri rusange, haba mu gihugu imbere, ndetse no mu karere ka hafi n’aka kure, biragaragarako ingengabitekerezo ya FPR/UNAR itazamara kabiri, bidatewe cyane nabifuzako ivaho, ahubwo bitewe cyane cyane n’amakosa ba nyirubwite barikwikorera ngo baragirango ingoma yabo irambe. Twizereko igihe n’ikigera ikava mu nzira, Abahutu n’Abatutsi ndetse n’Abatwa niba bakibaho bazayisimbura bazashobora kugena ingengabitekerezo nzima, izatuma babana neza kurushaho, hatagobye itemagurwa cyangwa iraswa ry’abamwe uko ibihe bitashye.
[1] Wikipedia reference: http://en.wikipedia.org/wiki/Ideology#Etymology_and_history
ideologies are patterned clusters of normatively imbued ideas and concepts, including particular representations of power relations. These conceptual maps help people navigate the complexity of their political universe and carry claims to social truth.”
ambrose-nzeyimana
Ambrose Nzeyimana
Political Analyst/ Activist
Organising for Africa, Coordinator
The Rising Continent, Blog editor

London, UK
Email: risingcontinent@gmail.com
Komeza Usome ...

Ibihugu by’u Bwongereza na USA nibyo byasabye BBC gukora filime kuri Paul Kagame kugira ngo bibe impamvu yo kumwirukana!

Politiki : Ibihugu by’u Bwongereza na USA nibyo byasabye BBC gukora filime kuri Paul Kagame kugira ngo bibe impamvu yo kumwirukana!

[Ndlr :Filime ya BBC ikomeje kubuza amahwemo ubutegetsi bwa Paul Kagame ariko kandi iyo filime ikaba ikomeje no gutuma abakurikiranira hafi politiki y’u Rwanda bakomeza gushakisha ikihishe inyuma y’iriya filime ! Hari ikibazo gikomeye abantu bibaza : Muri iriya filime hagaragaramo ubuhamya bw’abashakashatsi ba FBI baje gukora iperereza ku ihanurwa ry’indege ya Habyarimana ryabaye imbarutso ya jenoside no gukora ubushakashatsi kuri jenoside mu Rwandano kumenya umubare w’abantu yahitanye. Igitangaje cyane ni uko abandi bashakashatsi bose bo ku isi bashatse gukora ubwo bushakashatsi Paul Kagame na FPR banze ko babukora, nyamara aba bakozi ba FBI mu gihe bazaga gukora ubu bushakashatsi Paul Kagame yabakiriye mu biro bye! Ese aba bakozi ba FBI baza mu Rwanda babwiye Kagame ko bagiye gukora buriya bushakashatsi? cyangwa bitwaye nka ba maneko baje gukora akandi kazi batumwemo mu Rwanda ? None se Kagame ufunga umukecuru ngo ni uko yamuhanuriye ko azahanwa n'Imana kubera ko ategeka nabi yakwemerera FBI kuza gukora iperereza ku byaha yakoze? Igisubizo turagihabwa n’iyi nkuru ya Shikama :]
 
Poliki, iperereza n’ububanyi n’amahanga : « Leta y’u Bwongereza ku bwumvikane na leta y’i Washngton muri Amerikan nibo bategetse BBC gukora filime yerekanye Kagame mu mizi. Mu minsi ya vuba, ambasade z’u Bwongereza n’Amerika zigomba gufungwa i Kigali, ba ambasaderi bagataha bakanahagarika n’inkunga bateraga iminshinga y’amajyambere mu Rwanda abakozi ibihumbi bakabura akazi ».
 
Ubwongereza na Leta Zunze Ubumwe z'Amerika bashyize General Major Paul KAGAME ku butegetsi i Kigali ku italiki 19 Nyakanga 1994 bakamuhagarikira mu busahuzi bw'amabuye y'agaciro muri RD Congo ahatikiriye imbaga itabarika y'inzirakarengane z'abanyarwanda n'abazayirwa; izo leta zombi ubu zamaze kumenya Kagame uwo ariwe ku buryo zamaze guhindura urupapuro ndetse ngo FPR na Kagame bagomba kwirukanwa ku butegetsi byihutirwa.
 
Nyuma y'uko Filime yemezaga ko Paul Kagame ariwe nyirabayazana w'akaga kagwiriye u Rwanda, u Burundi na Repubulika iharanira Demukarasi ya Kongo, muri SHIKAMA twagerageje gushakisha umuntu waba agera i kambere i Washington na London kuko twari dusanzwe tuzi neza ko aribo bamwicaje muri Village Urugwiro. Uwo muntu rero twaraye tumubonye uzi neza uko umugambi wo kohoshya (ndlr :kwirukana) FPR ugomba kugenda mu maguru mashya.
 
Umwongereza kavukire kuri se na nyina utuye i Londres akaba ari umwarimu muri Kaminuza ikomeye mu Bwongereza akaba n'umugishwanama wa Minisiteri y'ububanyi n'amahanga y'Ubwongereza ariko tukaba tudashobora guhishura amazina ye ku bw'inyungu za politiki, yaganiriye na SHIKAMA maze atubwira ibintu biteye ubwoba bigiye kuba i Kigali mu minsi mikeya iri imbere ku buryo Kagame noneho agiye guhahamuka ureke ibyo yigira.
 
Uwo mwongereza yabwiye SHIKAMA ati: "Iriya documentary yakozwe na leta y'Ubwongereza ku bwumvikane na USA bakoresheje BBC, kandi nyuma y'uko Filimu itambutse birihutirwa gufunga ambasade z'ibihugu byombi i Kigali, guhagarika inkunga zose bateraga imishinga y'amajyambere bityo abakozi benshi bakoragamo bakabura akazi. Ariko abategetsi b'ibi bihugu by'ibihangange bumvikanye ko bagomba gukomeza kubwira rubanda ko nta kintu na kimwe babiziho, ko BBC yigenga mu gutara no gutangaza amakuru(...) ku buryo Kagame na FPR bazirukanwa ku butegetsi mu bufindo batazi ibyabaye".
 
Tony Blair na Bill Clinton bari maneko za London na Washington Kagame atabizi

Abanyarwanda baciye umugani w'umugenurano maze bagira bati:"Inyoni zijya inama n'abarinzi bajya indi". Mu kiganiro kirambuye uwo mwongereza yahaye SHIKAMA yatwemeje ko ngo muri 2005 USA n'Ubwongereza basanze baribeshye cyane kugira Kagame perezida bitewe ahanini n'ingeso ye yamunaniye yo kutihanganira abatavuga rumwe nawe bigeretseho kwica inzirakarengane. Londres na Washington bakimara kubitera imboni ngo bahise bajya inama y'icyo bakora ngo Kagame bamushyireho ingenza ya buri munsi.

Baje kumvikana kuri TONY BLAIR ko ariwe wamubera umujyanama mu bya politiki mpuzamahanga ahanini babimucengejemo babishingiye kuko Leta ye irimo abantu benshi biberaga mu nka batageze mu ishuri bityo ko uyu muntu w'inararibonye yamufasha gutsimbataza umubano n'amahanga. Kagame uhorana amakenga ngo yabanje gusa n'ubyanga nyuma abona nta kundi yagira arabyemera.
 
Abanyarwanda batuye imbere mu Rwanda kimwe n'abakurikirira hafi amakuru y'igihugu cyacu tuzi ukuntu TONY BLAIR yahoraga i Kigali kugeza n'ubwo Kagame amuhaye icyumba cy'akazi mu biro bye muri Village Urugwiro ku Kacyiru i Kigali. Uyu mwene Rugigana yabaye hafi cyane ya Kagame haba mu muganda, gufukura amariba no gucukura imiringoti akabaye kose akakoherereza abamutumye muri raporo.
 
Intasi ebyiri icyarimwe i Kigali: Kugereranya raporo ebyiri z'ubutasi i Washington na London
 
Nibanze kuri TONY BLAIR kuko ariwe nahaweho amakuru afatika n'umuntu bakoranye bya hafi kandi umuzi neza nyamara hari n'undi batumwe bimwe. Leta ya USA na LONDON mu rwego rwo kwirinda ko hazabaho guhubuka mu gufatira Kagame na FPR imyanzuro, bumvikanye ko hagomba kubaho intasi ebyiri ariko buri wese agakora ibye. Ni uko BILL CLINTON nawe yabaye umujyanama wa Kagame aho we yoherezaga raporo i Washington naho TONY BLAIR akayohereza i London nyuma hakaba ngo harabayeho igereranya ngo barebe niba nta kwibeshya cyangwa amakabyankuru birimo.
 
Bamaze kuzigereranya ngo basanze ko Kagame na FPR ari abajura n'abicanyi ruharwa kandi ko babujije amahwemo abaturanyi niko kwiga icyakorwa ngo bakurwe ku butegetsi. Ngo mu nama yabereye i Washington yahuje abategetsi b'ibihugu byombi yanatumiwemo umuyobozi mukuru wa BBC n'umuyobozi mukuru wa CNN bumvikana ko hakorwa filimu igaragaza uburyo Kagame na FPR bamaze abantu mu karere k'ibiyaga bigari bahereye ku iraswa ry'indege ya Habyakimana ku italiki 06 Mata 1994.
 
Bemeje ko umuyobozi mukuru wa BBC yagena umunyamakuru kabuhariwe mu gutunganya inkuru banemeza ko iyo Filime igomba gutambutswa kuri BBC ku italiki 01 Ukwakira 2014 italiki yibutsa 01 Ukwakira 1990 mu rwego rwo kwereka isi yose ko Kagame na FPR batabohoye u Rwanda ahubwo baruboshye. Mu rwego rwo kugira ngo Kagame atagira amakenga USA yatanze inama ko BILL CLINTON yakubaka ibitaro bihenze kandi by'icyitegererezo mu murenge wa Butaro mu karere ka Burera maze akajyanayo na Kagame kubitaha kandi koko niko byagenze barajyanye.
 
Mu minsi ya vuba ambasade z'Amerika n'Ubwongereza i Kigali zigomba gufungwa

Uwo mutumirwa udasanzwe wa SHIKAMA yatubwiye ko Washington na Londres bari bazi neza ibizakurikira itambutswa ry'iyi filime birimo imyigaragambyo yamagana iki gitangazamakuru. Avuga ko ngo bateganyije ko Kagame ashobora kuzategeka ifungwa burundu rya BBC rishobora kuzahurirana n'ishyirwa hanze ry'imyanzuro y'iperereza USA irimo gukora ku inyerezwa ry'abantu mu Rwanda rya hato na hato aho yagize ati:"Amerika ishobora kuzanzura ko FPR ari umutwe w'amabandi akora iterabwoba na mafiya byayogoje akarere k'ibiyaga bigari, ubwo rero nta kindi kizaba gisigaye uretse imyigaragambyo karundura kandi simusiga y'abaturage ishobora kuzirukana KAGAME na FPR ku butegetsi kuko icyo gihe abaturage bazaba bariye karungu bafite ubukene bukabije barara ubusa kubera kubura akazi".
 
Aravuga ko Kagame bazi neza ko azakomeza kwitotomba no gusuzugura ba Mpatsibigugu bityo bizabe ngombwa ko ambasade z'ibihugu by'ibihangange zifungwa i Kigali kandi ntibizatinda kuko intambara Kagame agiye gushoza ku Burundi na RDCongo izihutisha ishyirwa mu bikorwa ry'uwo mwanzuro hagamijwe kwita ku mutekano w'abadipolomate.
 
Guhagarika imishinga y'amajyambere no kwirukana abakozi ibihumbi mu Rwanda.
 
Umugambi w'Amerika n'Ubwongereza wo kwirukana FPR ku butegetsi ni mugari cyane kandi uzagira ingaruka zo mu rwego rw'ubukungu ku muryango nyarwanda. Uwo mutumirwa yabwiye SHIKAMA ko imishinga yose ikurikiranwa na ambasade z'ibi bihugu byombi i Kigali irimo kwitegura gusozwa mu rwego rwo kurengera inyungu z'ibyo bihugu.
 
Ni ukuvuga ko abakozi benshi bari babayeho neza batunze imiryango yabo bazabura  akazi imiryango yabo ikibasirwa n'ubukene, abana babo bazabura ubwishyu bw'ibisabwa ku mashuri bazaba bigaho, abakodesha amazu bazabure ubwishyu,...mbese ikibazo kizaba ari rusange mu gihugu cyose kandi n'ingabo zizaba ziri mu gihirahiro no kwibaza icyakorwa ngo abaturage bave muri ako kangaratete.
 
Magayane yavuze ko agatsiko ka FPR kazirukanwa ku butegetsi k'ubufindo
 
Mu gusoza iyi nyandiko twakwibutsa ko ubuhanuzi bwa Magayane bushimangira ibyo SHIKAMA yaganiriye n'uyu mwongereza aho Magayane yahanuriye abanyarwanda ko FPR izirukanwa mu bufindo ku butegetsi n'abazungu bazaba barayibuhaye. Agatinze kazaza ni amenyo ya ruguru. Yaba komisiyo ikuriwe na NGOGA Martin, yaba abamagana filime batanabonye, yaba RURA yanize B.B.C-F.M-KIGALI, byose ni ugusamba no guta ibitabapfu, icyemezo cyamaze gufatwa kandi i Kigali ntacyo bahinduraho na gito.
 
Source :
UDAHEMUKA Eric
shikamaye.blogspot.com/
Shikama ku Kuri na Demukarasi(SKUD)
Komeza Usome ...

Imyanzuro y’inama yo kuwa 26 ugushyingo 2014 y’Impuzamashyaka CPC.

Politiki :Imyanzuro y’inama yo kuwa 26 ugushyingo 2014 y’Impuzamashyaka CPC.

Kuwa gatatu tariki ya 26 Ugushyingo 2014, inama idasanzwe y’Impuzamashyaka CPC yarateranye, isuzuma uko CPC ihagaze muri ibi bihe, n’aho gahunda y’ibikorwa byayo bya politike bigeze, cyane cyane ibijyanye no gushakira umuti ikibazo cy’impunzi z’Abanyarwanda, aho ziri hose kw’isi.
 
A.Ku byerekeranye n’ububanyi n’amahanga
 
Abari mu nama bagejejweho raporo z’ubutumwa bwa CPC bamwe mu bayobozi bakubutsemo mu miryango mpuzamahanga no mu bihugu binyuranye. Intumwa za CPC aho zageze hose, zagiye zakirwa neza kandi zigirana n’abazitumiye ibiganiro by’ingirakamaro, ku byerekeye gahunda ya politike (plan politique/political plan) impuzamashyaka CPC yateguye, hagamijwe kugeza u Rwanda ku mpinduka izimakaza demokrasi n’amahoro arambye.
 
B.Gushyira hamwe kw’amashyaka
 
Abari mu nama bunguranye ibitekerezo kuri iyo ngingo, basanga Abanyarwanda benshi bakomeje gusaba amashyaka ya politike abarizwa hanze y’igihugu, gukora uko ashoboye agahuriza hamwe ingufu zayo, kugira ngo urugamba rwa politiki rwo gusezerera ingoma y’igitugu ya FPR-Kagame rushobore gutera intambwe zigaragara. Niyo mpamvu CPC ikomeje kwemeza ko gushyira hamwe kw’abatavuga rumwe n’ubutegetsi bw’agatsiko buri mu Rwanda, ari yo nzira yonyine n’intwaro ikomeye byatuma ubwo butegetsi ruvumwa buvaho mu buryo bwihuse.
 
C.Ikibazo cy’impunzi z’Abanyarwanda
 
Inama yongeye gushimangira ko ikibazo cy’impunzi ziri muri Repubulika Iharanira Demokarasi ya Congo, kidashobora kurangizwa n’ishyaka rimwe. Akaba ari yo mpamvu CPC ifatanyije n’indi mitwe ya politiki, ndetse n’amashyirahamwe ya société civile (civil society), yiyemeje gukaza umurego mu kurengera izo mpunzi zo muri Congo n’izo mu bindi bihugu, no kuzibera umuvugizi mu miryango mpuzamahanga no mu bihugu byitaye kuri icyo kibazo.
 
D.Kurushaho kubaka CPC
 
Inama yashimangiye ko amashyaka agize CPC agomba kurushaho gukorera hamwe mu bwubahane, akirinda kugwa mu mutego w’umwanzi uhora arekereje, agambiriye kuyacamo icyuho kigamije kuyasenya. Bigomba kandi kumvikana ko inyungu z’igihugu ziri hejuru y’inyungu z’abantu ku giti cyabo, bityo hakaba nta mpamvu n’imwe izabuza CPC gukomeza inshingano zayo.
 
Inama yashimye kandi igitekerezo cyo gukomeza kwegera andi mashyaka atarinjira muri CPC, kugira ngo ashishikarizwe igikorwa cyiza cyo gukorera hamwe nk’uko byifujwe mu nama zo mu kwezi kwa Gashyantare na Werurwe 2014. Hemejwe kandi ko n’andi mashyaka ataratumiwe muri izo nama zibarutse CPC, adahejwe mu gihe yaba agaragaje ubushake bwo kwinjira mu mpuzamashyaka.
 
Inama yarangije imirimo yayo yemeje ko mu nama y’ubutaha, hazashyirwaho ubuyobozi bushya bwa CPC, bukurikije amategeko yemejwe n’inama yo kuwa 5 Ukwakira 2014.
 
Bikorewe i Buruseli, tariki ya 27 Ugushyingo 2014.
 
Imyanzuro y’inama yo kuwa 26 ugushyingo 2014 y’Impuzamashyaka CPC.
Perezida wa CPC
Faustin Twagiramungu
 
Komeza Usome ...

VISITE EN AUSTRALIE DE L’ABBE THOMAS NAHIMANA: CANDIDAT AUX PRESIDENTIELLES RWANDAISES DE 2017.

L’Abbé Thomas Nahimana est le chef du parti Ishema. Un parti d’opposition rwandais en exil. Il vient d’effectuer une tournée marathon à travers les grandes villes australiennes. Il était linvité d’honneur de l’Association des Rwandais du Queensland. 
Abbe Thomas Nahimana a l'aeroport de Sydney (SBS French)
Abbe Thomas Nahimana a l’aeroport de Sydney (SBS French)

Dans notre entretien, l’Abbé Nahimana explique pourquoi il s’est lancé dans la course à la présidence du Rwanda et évoque les risques liés à cette démarche.
VISITE EN AUSTRALIE DE L’ABBE THOMAS NAHIMANA: CANDIDAT AUX PRESIDENTIELLES RWANDAISES DE 2017. Source: http://www.sbs.com.au/ 
Komeza Usome ...

Related Posts Plugin for WordPress, Blogger...